Monday, August 12, 2019

தூங்க முடியாத தாலாட்டு

தூங்க முடியாத தாலாட்டு
நேற்றிரவின்
அமைதியில் ....
ஊர்த்திருவிழா மேடையில்..
இருவர் வந்து
இசைத்தது வயலினையா?
வசந்தத்தையா?

ஒரு வயலினை
வாசிப்பதில் இத்தனை வசியங்களா

அந்த வயலினின்
ஐந்து கம்பிகளும் அமைதியாகத்
துயில் கொண்டிருந்தன பையில்
கட்டி வைத்த பொழுது!
ஓ...கலைஞனே!
உன் கை விரல்களின் ஸ்பரிசத்தில்
இத்தனை ராகங்களை இசைக்கின்றதே...
என் செவிகளையே இனிக்கச் செய்கிறதே என்ன விஷயம்
உனக்கு
நீ அமர்ந்திருக்கும் மேடையின் நான்கு
விளிம்புகள் மட்டுமே எல்லை என்று
நினைத்திருந்தேன்... ஓ...கலைஞனே
நீ
எப்படி அதைத் தாண்டி வந்து
எங்கள் இதய பிரதேசங்களை எல்லாம் உன் எல்லையாக்குவதற்கு வெல்கிறாய்...

உன்
இசைச் சாம்ராஜ்யத்திற்கு
எல்லையே இருக்க முடியாது
எத்தனை வேலிகள்
வந்தாலும் அவற்றையெல்லாம் முறியடிக்கும்
அதிசய சக்தி
உன் விரல்களில்
உள்ளது

இங்குள்ள
காற்றுத்துளிகள்
வெகு நாட்களுக்குப் பிறகு தேன் மழையில்
நனைந்திருக்கிறது....

நனைந்ததால்
அனைவரது செவிகளையும்
இனிக்கச் செய்கிறது...
அன்று
ரோமாபுரி எரிந்தபோது நீரோ மன்னன்
பிடில் வாசித்தானாம்... இன்று நீங்கள் வாசிக்கிறீர்கள்...
எரிவது ரோமாபுரி அல்ல
எங்கள் உள்ளங்கள்....
நீங்கள்
எங்களுடன் பேசுவதற்கு
எந்த மொழியையும் அறிந்திருக்க
அவசியமில்லை
இசை ஒன்றே போதும்

இந்த இரவில் தாலாட்டுப்பாட்டு
நீங்கள் இசைக்கிறீர்கள்...
ஆனால்
எங்களால்
உறங்க முடியவில்லை...
உறங்கி விட்டால்
உங்கள் பாடல்களை ரசிக்க முடியாதே..
அதனால்
இங்கு மட்டும் தான்
நீங்கள் தோல்வி அடைகிறீர்கள்...

காதல் தோல்வியை போல் இந்த தோல்வியையும் வரலாறு ஏற்றுக்கொள்ளும். வயலினில் ராகம் வாசித்தால்
மழை பொழியுமாம்.
இன்று மழை பொழியுமா
என்னவோ தெரியவில்லை
எங்கள்
இதயங்களில் தேன்மழை..

என் மனதை
வசியம் செய்த
இசையை இசைத்த
உங்களுக்கு
உதட்டளவிலும்
உள்ளத்தளவிலும் நன்றி👏

Friday, March 23, 2018

தெய்வ தரிசனம்
காலையில் நாலு மணிக்கே எழுந்து
கோவிலுக்கு சென்று
சிறப்பு தரிசனம் டிக்கெட் எடுத்து...
எனக்கு முன்னமே
வரிசையில் நிற்பவர்களின் பின்னால்
நானும் இணைந்தேன்...
மூன்று மணி நேர
நகர்விற்குப் பின்
சன்னிதியில் போய்ச் சேர்ந்தோம்...
சன்னிதியில் தெய்வம் இல்லை!
அர்ச்சகர்களின் அதிகார
துஷ்ப்ரயோகமும்
பக்தர்களின் தாங்க முடியாத
கேட்கக்கூடாத
சப்தங்களின் இரைச்சலும்
தெய்வத்தைத்தான் துரத்தி விட்டனவோ
என்னவோ?
புகைப்படக் கவிதை - சிட்டுக்குருவி

காற்று வெளியிடை பறந்தாலும்
மின்சார கம்பியில் அமர்ந்தாலும்
வயல்வெளியில் இருந்தாலும்
எப்பொழுதும்
என் மகனின்
காமிரா சிறைக்குள்.....



 


Wednesday, August 8, 2012





Right Brain/ Left Brain Quiz

The higher of these two numbers below indicates which side of your brain has dominance in your life.  Realising your right brain/left brain tendancy will help you interact with and to understand others.

Left Brain Dominance: 13(13) Right Brain Dominance: 10(10)

http://www.intelliscript.net/test_area/questionnaire/questionnaire.cgi">Right Brain/ Left Brain Quiz



Sunday, May 8, 2011

மகளின் பரிசு


”அப்பா..”

இந்த அழகான வார்த்தையை
நான் எப்பொழுது முதலில் கூறினேன்??
இதன் அர்த்தம் கூட தெரியாது அப்போது...
இதை புரிய வைக்க கிடைத்தப் பரிசுதான் நீ...

நீ சொன்ன கண்ணன் கதை, கண்ணனை பிடிக்க வைத்தது...
நீ என்னைப் பற்றி எழுதிய குட்டிக் கவிதை... என்னையே பிடிக்க வைத்தது...
நீ கோபப்பட்டால் உன்னை சமாதானப்படுத்த “நிலா காய்கிறது”...
அதை பாடுவதற்காகவே நான் நடத்தியிருக்கும் நாடகங்கள்...
வேணுமென்றே வம்பு பண்ணி அடிவாங்கி நான் அழ...
என்னை சிரிக்க வைக்க நீ தரும் முரட்டு முழி...
கள்ள அப்பா...
டிவி ரிமோட்டுக்காக சண்டை,
நம்மை விட வேற யாருமே போட்டிருக்க முடியாது...
இதெல்லாம் இன்னும் அப்படியே...
நாம் திருந்தவே மாட்டோம்...ஹி... ஹி...
Afterall, சண்டை இல்லையென்றால் பாசமே தெரியாதே...

உன்னுடைய Punctuality, Hardwork, encouragement,
மெமரி க்ளாஸ் எனும் பேரில் ஒரு informative ப்ளேடு...
உன்னுடைய buji brains...
எங்களிடம், esp.. அம்மாவிடம் காட்டும் அன்பு...
I really admire u for all that...

Rely lucky 2 hav u Dad...
Sry... Lack of Tamil Words...

I tink its ma best bday gift 2 u na...

Newys hav a nic Bday...
May u b like dis 4ever...
With tonnes n tonnes of luv,
ur chweet lil' daughter
Shakthi.

எனது மகள் சக்தி என் பிறந்த நாளுக்கு எழுதிய பரிசு. தமிழில் எழுதத் தெரியாத மகள் தமிழில் தன் கைப்பட எழுதிக் கொடுத்த அன்புப் பரிசு இது. நாம் எழுதுவதைக் காட்டிலும் மற்றவர்கள் எழுதுவதை ரசிப்பது மிகவும் பிடிக்கும். அதுவும் மகள் எழுதியதென்றால் கேட்கவா வேண்டும். நன்றி சக்திம்மா.

Sunday, November 21, 2010

சலிப்பு

சலிப்பு
அலையும் கடலும்
மலையும் யானையும்
வானமும் கலைந்து கலைந்து
இணையும் மேகங்களும்
ரயில் வண்டியும்
எத்தனை முறை
பார்த்தாலும் சலிப்பதே இல்லை.
எனக்கு
என் மனைவியும்
என் மகளும், மகனும் கூடத்தான்.

Sunday, January 24, 2010

வாழ்க்கைச் சதுரங்கம்

கொஞ்சம் கொஞ்சமாய் நகரும் சிப்பாய்கள்

நேர் வழியில் செல்லும் யானைகள்

குறுக்கு வழியில் விரையும் மந்திரிகள்

நிறைய தந்திரமும்

சாமர்த்தியமுமாக தாவும் குதிரைகள்

எல்லாவற்றையும் முழுமையாக்கும் ராணி

எல்லாமும் என் ராஜாவைப்

பாதுகாப்பதற்குத்தான்… …

எதிரியின் பலம் கூடும் வரை!

Wednesday, January 20, 2010

தேர்த்திருவிழா




இன்று தேர்த்திருவிழா...
என்னென்னவோ எண்ணங்கள்
மனதைப் பின்னோக்கி ஓட்டிச்செல்ல...

சிறு வயதில் ஊரில் தேர்த்திருவிழா...
அரைநாள் லீவு கிடைக்கிற உற்சாகம்

தேர்பார்த்து தொட்டிழுக்கிற சந்தோஷம்
மிட்டாய் வாங்க காசு கிடைக்கும் சௌகர்யம்
பலூன்கள், பம்பரங்கள், பித்தர்கள்...
புத்தாடைகள்...

கொஞ்ச நாள் பின்
கூட்டம் பார்க்கிற மதமதப்பு...
சுதந்திரமாய் நெரிசலூடே
சுற்றித் திரிகிற பரபரப்பு...

தேரை இழுத்து கோஷம் போடும்
இளமையின் வீர்யம்...

இன்றும் ஊரில் தேர்த்திருவிழா...
நான் என் மகளுக்கு
பலூன் வாங்கித் தருகிற சந்தோஷத்துடன்...

Thursday, January 14, 2010

தேடல்

திருவிழாக் கூட்டத்தில்
தொலைந்து போன
குழந்தையைத் தேடுவது போல
நான்
இழந்து போன
சந்தோஷங்களைத் தேடுகிறேன்......

நானும் நீயும் துண்டைவிரித்து
மீன் பிடித்த சந்தோஷம்...

மிதிக்கமுடியாமல் சைக்கிளை மிதித்து
முள்செடியில் விழுந்த சந்தோஷம்...

பக்கத்து வீட்டுச் சுவரேறி
மாங்காய் அடித்த சந்தோஷம்...

கல்லூரியில் கட் அடித்து
சினிமா பார்த்த சந்தோஷம்...

வேலை கிடைத்த சந்தோஷம்...
இன்ன பிற சந்தோஷங்கள்.....

இப்ப
தேடுவதே சந்தோஷமாய்
தொடர்கிறது.....

Tuesday, January 5, 2010

தனிமை

தனிமை

கை நிறைய கடிதங்களோடும்

வாய் நிறைந்த சிரிப்போடும்

சைக்கிளை தள்ளியபடி

நடந்து வரும்

போஸ்ட்மேன் சுந்தரம் பிள்ளை

எல்லோருக்கும்

கடிதமோ பார்சலோ மணி ஆர்டரோ

கொடுத்து விட்டு... ...

எனக்கு... வெறும்

சிரிப்பு மட்டும்தான்.