தேடல்

திருவிழாக் கூட்டத்தில்
தொலைந்து போன
குழந்தையைத் தேடுவது போல
நான்
இழந்து போன
சந்தோஷங்களைத் தேடுகிறேன்......

நானும் நீயும் துண்டைவிரித்து
மீன் பிடித்த சந்தோஷம்...

மிதிக்கமுடியாமல் சைக்கிளை மிதித்து
முள்செடியில் விழுந்த சந்தோஷம்...

பக்கத்து வீட்டுச் சுவரேறி
மாங்காய் அடித்த சந்தோஷம்...

கல்லூரியில் கட் அடித்து
சினிமா பார்த்த சந்தோஷம்...

வேலை கிடைத்த சந்தோஷம்...
இன்ன பிற சந்தோஷங்கள்.....

இப்ப
தேடுவதே சந்தோஷமாய்
தொடர்கிறது.....